Atherbea: mespretxua aski da!

2025ko abenduaren 18an elkarteko egoitzaren aitzinean bildura gara, Atherbean dagoen egoerak ezin duelako gehiago erantzun zehatzik gabe jarraitu. Azken asteetan Administrazio Kontseiluaren isiltasunak eta azken egunotan eman duen erantzun partzialak ezinegona areagotu besterik ez dute egin.

Hilabeteak daramatzagu gure lan-baldintzen okertzeaz alerta ematen, presio kudeatzaileez hitz egiten, eta gure segurtasuna, osasun mentala eta laguntzen ditugun pertsonen alde egiten dugun lanaren zentzua bera arriskuan jartzen dituzten egoerak salatzen.

Azken hilabeteetan, egoera larriak jakinarazi dira:
Jardueren berrabiatzeak presaka erabaki dira, baliabide nahikorik gabe, lan-karga handiarekin eta segurtasun-baldintzak bermatu gabe, nahiz eta aurretik lanetik erretiratzeko eskubidea erabili izan den. Erabaki horiek aurrekontu-arrazoiekin justifikatu dira, eta berrirekieratik bi gertakari larri jakinarazi dira dagoeneko.

 

Beste zerbitzu batean, lankideek presioak jasan dituzte, diziplina-elkarrizketa mozorrotuak, baita justifikaziorik gabeko prozedurak ere, ondorio larriak izan dituztenak haien osasun mentalean, lan-bajak eragin arte.

Orokorrean, kudeaketa autoritario eta goitik beherakoa ezartzen ari da, “zuzenketa” aitzakiatzat hartuta, baina gizarte-lanaren balioekin eta elkartearen proiektuarekin erabat kontraesanean dauden metodoak erabiliz.

Zuzendaritzak dio behartuta jarduten duela, finantzatzaileen eskakizunak aipatuz; ez gara inozoak: aurrekontu-murrizketak existitzen dira, baina horrek ezin du dena justifikatu, ezta dena barkatu ere.

Administrazio Kontseiluak erantzukizuna du gobernantza-aukeretan, kudeaketa- eta aurrekontu-orientazioetan.
 

Aurrekontu-eskakizunei erantzutea ezin da egin taldeen osasunaren, segurtasunaren eta lanaren duintasunaren kontura.

Egoera honen aurrean, langileok antolatu egin gara: ohartarazpenak gutun-petizioaren bidez formalizatu dira, langileen hiru batzar nagusiren bidez, eta ondoren, azaroaren 25ean, sindikatu-sekzioek Administrazio Kontseiluari bidalitako gutunaren bidez, aldarrikapen zehatzekin eta bilera-eskaera baterako erantzun-epearekin.

Abenduaren 16 honetan, Kontseiluaren erantzuna jaso dugu: gure kezkak aitortzen ditu, baina ez du inolako konpromisorik hartzen eta ez du bilerarik egiteko datarik proposatzen. Bulegoaren eta zuzendaritzaren rola zalantzan jartzeari uko egiten dio. Eta batez ere, erantzukizuna sindikatuari leporatzen dio, datu zehatzak eskatuz, Kontseiluak berak dagoeneko badituen arren.

Gaur, bere erantzunaren bidez, Administrazio Kontseiluak mezu argia bidaltzen du: saihestearena, egungo praktikak baliozkotzearena, eta horrek mespretxu sakona sentiarazten digu.

 

Horregatik gaude mobilizatuta, honako hauek eskatzeko:
● Berehalako bilera-data bat, benetako elkarrizketa baterako,
● Diziplina-praktika abusiboen amaiera,
● Lan-baldintza seguruak,
● Zerbitzuen etorkizunari buruzko hausnarketa kolektiboa, taldeekin batera eta ez haien aurka.

Mobilizazio hau abiapuntua da, eta mobilizatzen jarraituko dugu Administrazio Kontseiluak bere erantzukizunak eduki hutsalezko erantzunen bidez baino modu arduratsuagoan hartzen ez dituen bitartean. Atherbeak askoz gehiago merezi duelako hitz hutsak baino!