LABek irailaren 10eko blokeo eguna sustengatzen du

LAB sindikatuak datorren irailaren 10ean egitekoa den blokeo eguna sustengatzen du.
Mugimendu honek adierazten duen haserre soziala zilegia da, eta konpartitzen dugu. Izan ere, Bayrouk iragarritako austeritate plana langileen bizitza prekarizatzen ari diren azken urteetako politika antisozialen jarraipenean kokatzen da.

Dena blokea dezagun, aberastasunaren banaketa justuaren alde, soldata eta pentsioen emendatzearen alde. Guztiontzat zerbitzu publiko indartsu eta irisgarrien alde! Krisi demokratikoaren eta instituzio zentralizatuen ezegonkortasunaren aurrean, erabakiak hartzeko tokiak ahalik eta hurbilen jarri behar dira langileengandik eta haien beharretatik.

Dena blokeatzea ez da erabakitzen, antolatzen baizik! Greba egitea ere dena blokeatzea da! Bide horretatik blokeatu nahi duten langileei dei egiten diegu gurekin harremanetan jar daitezen. Hortarako, datorren urriaren 9rako mobilizazio eta greba egun gehiago iragarriak genituen, segi dezagun mugimendua indartzen eta borrokak bat egiten!

Antola gaitezen!