Irailak 10-18 eta urriak 9: mobilizazio egunak!

Inoiz ikusi gabeko testuinguru sozial batean, LAB sindikatuak langileak mobilizatzera deitzen ditu, eta buru-belarri sartu da abian den borroka zikloan. Hainbat data daude iragarrita: irailaren 10eko blokeo eguna haserre sozial zilegiaren ondorioz; irailaren 18an, ostegunarekin, langile guztien greba deialdia; eta, ondoren, Euskal Herrian uda hasieratik eraikitako medikuntza soziala eta Funtzio Publikoko sektorearen greba-eguna.

Borroka moldeak eta borrokak gurutzatzen eta osatzen dira, bakoitzak parte hartzen ahal du!

Egun horiek lantokietan eraiki behar dira, eta justizia sozialaren aldeko borroka orokor baten  dinamika barruan kokatu. 2025eko sartze hau frantses gobernuaren mailako krisi agenda politiko batek markatzen du, eta horretaz baliatu behar gara langileen ahotsa eta haserrea entzunarazteko.

Haien zorra ez dugu pagatuko!
Bayrouk eta Macronek beraiek zulatutako defizitaren faktura ordainarazi nahi digute. Beldurraren diskurtsoan sakrifizioak egitera behartzen gaituzte, ultraaberatsek urte gutxitan beren fortuna bikoiztu dutelarik beren zerga kuotak murriztuz eta kontrolik gabeko enpresentzako laguntza publikoak biderkatzen dutenean.

Ekonomiarik ez dute gure bizkarrean eginen! Iragarritako neurrien bortizkeriak antolatzera eta mobilizatzera bultzatu behar gaitu: besta egunak kendu eta ordaindutako oporren 5. astea kolokan jartzea, pobrezia areagotzen ari den honetan prestazio sozialak izoztea, funtzionarioen eta kontratupeko langile publikoen soldatak izoztea, langabezia-aseguruantzaren erreformatzea, erretetadunen pentsioak jaistea.

Pariseko hainbat maskarada politiko baten aitzinean demokrazia eta langileon erabakitzeko ahalmena indartu behar ditugu. Alde horretatik, LABek negoziazio kolektiboko instantziak Ipar Euskal Herrira hurbiltzea aldarrikatzen du. Euskal Herrian gure tresnak sortzea gure indar harremana handitzea da eta gure bizitzak, kapitalaren ordez erabakien erdigunean kokatzea.

Ez dezagun Parisi gure ordez erabakitzen utzi!

Hemen lan egiten dugu eta hemen erabaki nahi dugu!

Mobiliza gaitezen lan eta bizi baldintza duinen alde! Antola dezagun erantzun soziala karrikan eta lantokietan, pobrezia, gerrak eta hondamendi ekologikoa sortzen duten kapitalistei aurre egiteko.

Borroka gaitezen duintasunez bizitzeko aukera emango diguten soldata eta pentsioen alde!

Borroka gaitezen lan baldintza onen alde, egunero etxera osasuntsu eta bizirik itzultzeko!
Zerbitzu publiko indartsu eta irisgarrien alde borrokatu gaitezen!

Borroka gaitezen gure lantokietan eta beste edonon gertatzen diren diskriminazio eta jazarpen guztien berehalako amaieraren alde!

Borroka gaitezen justizia sozial eta ingurumenekoaren alde!

IRAILAK 10-18 ETA URRIAK 9 DENOK KARRIKARA!