MFA enpresako langileek greba behera bertan utzi dute! Akordio bat lortu dute!

2016-10-21  

Bederatzi egunez greban egon ondoren, Arberatzeko MFA enpresako langileek akordio bat lortu dute zuzendaritzarekin. Ez badute lortu eskatzen zuten guzia ere, borrokak bere fruituak ekarri ditu!

irudia

Bederatzi egunez greban egon ondoren, Arberatzeko MFA enpresako langileek akordio bat lortu dute zuzendaritzarekin. Heldu den urriaren 24ean lanera itzuliko dira.

Arberatzeko MFAko langileak greban zeuden urriaren 13az geroztik. 

Lan baldintza duinak eskatzeko xedez astean zehar mobilizatu dira. Hain zuzen, egunero elkartu dira Donapaleuko herriko etxearen aitzinean eta karriketan zehar manifestatu.

Azkenean, akordioa lortu dute zuzendaritzarekin urriaren 21ean.  Urriaren 24ean lanera itzuliko direla azaldu du.

Langileek lorpen frango irabazi dituzte. Alde batetik, orain arte lanpostuak "gaitasun anitzekoak" bezala kontsideratzen zituen enpresak. Akordioari esker, lanpostu bakoitza definitu eta bakoitzari dagokion formakuntza lortu dute.

Bestalde, MFAko langileek hamahirugarren hilabete saria aldarrikatzen zuten. Zuzendaritzak eskaera ezeztatu due baina proposamen bat egin die. Hau da, "jarraikitasun saria" proposatu die. Horrek langile baten presentzia eraginkorra sariztatzen du. Hiru egun baino gutiago huts eginez gero langileak 70 euro gehiago jasoko lituzke bere soldatan.

Bestalde, "jarraipen batzorde" bat sortzea erabaki dute. Zuzendaritzarekin adostutakoa betetzen dutela zainduko dutela azpimarratu dute langileek.

Langileek lortutakoarekin "oso pozik" direla aitortu dute. Gainera, greba mugimenduari esker langileen arteko dinamika bat sortu da. "Orain arte ez zegoen izpiritu hori. Jende asko greba mobilizazioan ezagutu da" azpimarratu du Gilles Landabourek, LABeko delegatuak.

Gora langile borrokalariak!

Iruzkinak egiteko aukera desgaituta dago

LAN ESKAINTZA / offre d'emploi

Lan eskaintza LAB sindikatuan : Lab sindikatuak pertsona bat bilatzen du lan postu erdi batentzat: KOMUNIKAZIO POSTU BERRI BAT IDEKITZEN DUGU. Hastapen batean 6 hilabeteko lan kontratu mugatua, kontratu mugagabera pasatzen ahalko dena. Misioa : Sindikatuaren komunikazioaz arduratu beharko da (barne eta kanpoko komunikazioa). Galdeginak diren gaitasunak: Euskara eta Frantsesa menperatu behar dira ahozkoan eta idatzian. Sare sozialak, komunikazio metodoak eta tresnak ezagutu. Tresna informatikoak erabili. Talde lanean eta jende harremanetan errextasuna ukan. Adituak bai ta hasi berriak onartzen ditugu. Zure hautagaitza eta motibapen gutuna bidali baiona@lab.eus helbide elektronikora azaroa bukaera aintzin Xehetasun gehiagorentzat deitu 05 59 59 50 21

IRITSI DA EGUNA! ONGI ETORRI RAFA!

PREKARIETATEA BADA IKASTETXEETAN / LA PRECARITE DANS LES ETABLISSEMENTS SCOLAIRES EXISTE



LABek prekarietateari buruzko inkesta bat banatu du Ipar Euskal Herriko eskola guzietan. Galdezkatuak izan direnen %80ak baino gehiagok dio lan baldintzak prekarioak badirela ikastetxeetan.

LAB a distribué une enquête sur la précarité en milieu scolaire dans les secteurs du privé et du public en Pays Basque Nord. Parmi les sondées, plus de 80% pensent que les conditions de travail sont précaires dans les établissements scolaires.

INKESTEN EMAITZAK [PDF]
RÉSULTAT DE L'ENQUÊTE [PDF]

LABen 9 garren Biltzar Nagusia